لاتمطر الشمس

ولك حتى الصبر ما ضل صبر بيه
خلص خلگه اعله ليل الما ينامون

صح لسانك علاوي قصيدة روووووووعة

لا تمطر شمس لو مرنـــّه تموز
حركّ صح برد بس ذابح الكون
رقيق بكل شي انت وكلشي معروف
ومتفسره اعله بابك حتى الظنون
لا تحجي السوالف خلها تحجيك
لان حتى بسكوتك تحجي مضمون
ولك بيش انا اوصفك مو حرت بيك
اذا حتى اعله ظلك تمشي العيون
يل كلك جمال منين ما اجيك
وكل لحظه اعله شفتك ينخلق لون
انت بليه انت تحير العقول
شلون انت ويه انت اعله اليوصفون
لازم فلسفه وديوان الك خاص
وحكمه بلا عقل يوهبها مجنون
سر شعرك جريمه وذابح الليل
ودم الليل طاح وباسك شلون؟؟؟
وكلي شلون گلبك باقي وياك..؟
وخلص عمره اعله بوسه ايعض بالسنون
ضحاياك شكثر..؟؟ كلهم يحبوك
وانا اول ضحيه البيك مفتون
هاي شلون صارت كلي يفلان
اكثر معجبيك من اليكرهون
ولك حتى الصبر ما ضل صبر بيه
خلص خلگه اعله ليل الما ينامون
وانه اعله الصبر ذبيت الايام
نخيته اوياك يمكن باجر تهون
وعليك الروح راحت ويه العيون
ودخيلك كلي هم باچر يرجعون؟؟